Në një lidhje të drejtpërdrejtë me studion e emisionit opinion, kreu i opozitës Lulzim Basha pranon publikisht se në cadrën ku po zhvillohet protesta e opozitës, ka edhe mëkatarë, të cilët tanimë janë të penduar. Gjithashtu Basha tha se është çliruar nga prangat që kishte në kokë deri para pak muajsh.
“Shqipëria është e skllavërisë së krimit. Këtu janë ftuar edhe mëkatarët, nëse bashkoheni të gjithë jeni të mirëpritur. Sigurisht, plot me mëkatarë por të penduar.Realizimi, përballja me të vërtetën dhe vendosmëria për të mos e përsëritur.”, i thotë Basha analistit Lorenc Vangjeli.
Basha: Ne i kemi detyruar median konfencionale të shpërthejë sinoret e censurës dhe autocensurës. Por nuk ka shqiptar të thotë se nuk kemi një deficit të tmerrshëm të transparencës në media, kjo lëvizje do çlirojë edhe mediat shqiptare. Unë e di që gazetarët janë gati, pronarët janë të detyruar të pranojnë realitetin e ri ose të dorëzohen.”
Vangjeli: Nuk po ju duket se po i targetoni vetes pranga me populizmin tuaj?
Basha: Unë ndihem i çliruar sepse i kam thyer prangat që mund të kem patur deri para disa muajsh në kokën time, të ftoj edhe ty t’i thyesh prangat, thyeji dhe eja në këtë shesh të lirisë.
Vangjeli: Për çlirim flasin vetëm skllevërit?
Basha: Nëse populli yt të duket i lirë, kur këtu nuk ka konkurencë të lirë as në rtreg, as në poltitikë, atëherë mendoj se jeton në botën e përrallave. Shqipëria është e skllavërisë së krimit. Këtu janë ftuar edhe mëkatarët, nëse bashkoheni të gjithë jeni të mirëpritur. Sigurisht, plot me mëkatarë por të penduar.Realizimi, përballja me të vërtetën dhe vendosmëria për të mos e përsëritur.
Vangjeli: Kush ju kishte prangosur?
Nëse keni kohë për një debat , prangat i keni brenda kokës siç i kam patur edhe unë. Idesë se duhet t’i shërbejnë ardhjes në pushtet të partisë, drejt kompromiseve që unë i kam flakur turje, për t’u bashkuar në një parim. (D.D/Shuplaka)
