Një aksident tragjik ka përgjakur mbrëmjen e sotme kryeqytetin, ku mësohet se në Unazën e Re, një mjet tip Audi Q7 ka goditur për vdekje një person i cili ndodhet akoma në vendin e ngjarjes.
Në vendin e ngjarjes sapo kanë mbërritur ambulance dhe forcat e Policisë ndërkohë që sipas burimeve bëhet fjalë për një burrë të moshës rreth 55-vjeçare.
Shkak për ngjarjen e rëndë dyshohet të ketë qenë mungesa e ndriçimit në rrugë, pasi zona ku ka ndodhur është tepër e errët.
Emri i viktimës mbetet ende i paidentifikuar dhe ndërkohë forcat e Policisë kanë devijuar trafikun nga vendi i ngjarjes.
Nga ana tjetër, ende nuk kemi informacione nëse është ndaluar drejtuesi i mjetit Audi Q7 apo është larguar nga vendi i ngjarjes pas aksidentit.
(F.GJ/FAXWEB.AL)
Discussion about this post