“Mama kam frikë, po mbytemi”, fjalët e fundit të 36-vjeçarit në Greqi. Shkon në 16 numri i viktimave

Është rritur bilanci i viktimave nga përmbytjet në Greqi, duke e çuar në 16 numrin e të vdekurve, ndërsa dy persona të tjerë rezultojnë të zhdukur.

Giorgos Makarounas është një prej viktimave nga përmbytjet e pazakonta në Mandra të Greqisë. 36-vjeçari, baba i një fëmijë, u mbyt sapo doli nga kamioni i tij.

Ai punonte si shofer kamioni dhe u gjend në vendin dhe kohën e gabuar. Ai ndodhej në Mandra, qytezën më të goditur nga moti i keq në Greqi, e cila ishte përmbytur pothuajse e gjitha.

Kamioni ishte bllokuar për shkak të nivelit të ujit. Vetëm disa çaste përpara se të vdiste, ai foli në telefon me mamanë e tij.

“Mama kam frikë, po mbytemi”, ishin fjalët e tij të fundit. Sapo doli nga kamioni, linja telefonike u shkëput ndërsa raportohet se 36-vjeçarin e mori rrjedha e ujit. Deri tani janë raportuar 15 të vdekur nga përmbytjet në Mandra.

(E.K/FAXWEB)