Një video po qarkullon në rrjet ku shihet një grua infermiere e cila përshëndetet në distancë me të bijën, pa mundur as ta përqafojë dot pasi punon në një nga spitalet ku janë të shtruar dhjetëra të infektuar me Coronavirus.
“Mami po lufton monstrën, do të kthehem sapo ta mundim”, i thotë e ëma nga larg, ndërsa e bija qan pa pushim dhe mes lotësh i thotë se i mungon shumë.
Vajza i lë një enë me ushqim në tokë dhe largohet, ndërsa kjo dramë po përsëritet për shumë familje të personelit mjekësor në Kinë të cilët janë të detyruar të rrinë në spitale pa mundur të bashkohen me të afërmit e tyre për shkak të mundësisë së infektimit.
Deri më tani janë infektuar me virusin vrasës rreth 27 mijë persona, ndërsa kanë vdekur afro 500 të prekur.
Discussion about this post