Ish-ministri i Drejtësisë, Ylli Manjani, në një reagim në Facebook i ka kthyer përgjigje ambasadorit amerikan, Donald Lu.
Paraditen e sotme, ambasada amerikane me anë të një video mesazh, ka paralajmëruar deputetët Tritan Shehu e Orjola Pampuri, si dhe ish-ministrin Manjani, të kenë kujdes me deklaratat e tyre kundër LGBT-ve.
Lu tha se SHBA e sheh me përparësi këtë problem.
Kaq ka mjaftuar që Manjani t’i rikujtojë ambasadorit, çështjen e fundit që ka dalë në mediat amerikane dhe ato shqiptare, lidhur me fondet e USAID që kanë kaluar për fondacionin Soros.
Ky lajm ka përfshirë dhe Lu, i cili po akuzohet se ka ‘lobuar’ që qeveria Rama të marrë në duar drejtësinë.
Reagimi i plotë:
“Në vijim të mos shfokusimit, një përgjigje për Ambasadorin Amerikan që ka më shumë përparsi LGBT:
Edhe unë zoti Lu, po ndjek me vemendje debatin në Amerikë për përfshirjen Tuaj në dorëzimin e Sistemit të Drejtësisë së Shqipërisë në duart e Qeverisë!
Kjo është më e rëndësishme!
Ndjesë që nuk debatoj dot me ty në Kuvend sepse nuk jam deputet!”
(F.G/Faxweb.al)
