Republika e Re është një term që u artikulua mjaft nga opozita në më shumë se tre muajt e fundit. Duke iu referuar një standardi të ri në qeverisje por edhe në jetesën e qytetarëve Basha krijoi kështu idenë e një rilindje në sistemin qeverisjeje.
Një një oponion në “Panorama”, autori Mark Marku një ish-deputet në PD dhe njohës i mirë në media trajton raportin midis asaj që ai e etiketon si “PD-ja e vjetër”, kryetarit të saj Lulzim Basha dhe “Republikës së Re’’. Ai thotë se listat e kandidatëve për deputetë do të tregojnë nëse Basha do heq dorë nga ndikimi i lidershipit të vjetër në PD.
“Përmbyllja e aksionit opozitar për garantimin e kushteve elementare për zgjedhje të lira me paktin e aritur mes kryeministrit Rama dhe kryetarit të PD-së,Lulzim Basha, e ka kthyer edhe njëherë në qendër të vëmendjes se opinionit publik PD-në si forcë alternative për qeverisjen e vendit
Pritshmëritë dhe interesi për zhvillimet në PD janë shtuar dukshëm pasi kryetari i saj Lulzim Basha hodhi idenë e Republikës së Re, që nuk është, as më shumë e as më pak se ndarje nga modeli i vjetër dhe i dështuar politik i këtyre 27 viteve, model që e ka çuar vendin në dështime të njepasnjëshme dhe kriza ciklike.
Publikimi i listës do ti jap një përgjigje dilemës që ka shoqëruar propozimin e ri të Bashës nëse një parti e vjetër dhe e rendësishme e sistemit politik shqiptar me shumë përgjegjësi në degradimin e sistemit mund të bëj riformatimin e sistemit…Me listën e re Bashës do të duhet ti japë përgjigje edhe një dileme që e ka shoqëruar gjithë këto vite të tij në krye të PD-së: raportin e tij me Berishën, ose më saktë, dublimin e pushtetit të tij si kryetar i PD-së nga pushteti i liderit historik të kësaj partie, Sali Berisha…
Procesi i përzgjedhjes së listave duhet ti japë fund edhe një aspekti të shëmtuar korruptivë, që shoqëron përzgjedhjen e kandidatëve, nga i cili nuk ka shpëtuar pa u prekur edhe PD. Shumë kandidatë për deputetë apo kandidatë për kryebashkiak paguajnë në nivele të larta vendimarrëse të partive shuma maramendëse për ta blerë kandidimin e tyre…Dhe lufta ndaj korrupsionit është një sfidë tjetër e Republikës së Re dhe duhet luftuar që këtu”, shkruan Marku. (E.K/SHUPLAKA)
