Marrëveshja për ridemarkacionin e ZEE (Zona Ekonomike Ekskluzive) duket se është arritur mes qeverisë greke me homologët e saj në Tiranë, një zhvillim që lidhet direkt me interes për kërkimin e hidrokarbureve dhe gazit në parcelat 1 dhe 2 në detin Jon, shkruan gazeta greke energypress.gr.
Siç dihet, pala shqiptare në të kaluarën ka reaguar seriozisht në perspektivën e eksplorimit të hidrokarbureve në Jon, duke marrë parasysh se parcelat 1 dhe 2 janë gjithashtu zona kontradiktore.
Historia e zhvillimit dhe përcaktimit të të ZEE-së me Shqipërinë është një histori e trazuar, por duket se të përfundojë në mënyrë të përhershme pas kësaj marrëveshjeje e cila pritet të arrihet shumë shpejt, sipas informacioneve te energypress.gr.
Burime të sigurta tregojnë se marrëveshja me palën greke pranon se deri më sot krijimi i ZEE (Zona ekskluzivisht ekonomike) ka qenë pjesërisht gabim nga ana metodologjike, një pikëpamje e mbështetur nga Shqipëria deri tani dhe që mori formë juridike edhe nga Gjykata Kushtetuese Shqiptare. Pranohet gjithashtu, se gjiret e brendshme duhet të konsideroheshin si “të mbyllura”, për të aplikuar dispozitën përkatëse të Konventës së Detit.
Por në shkëmbim të kësaj, njofton “energypress.gr”, pala shqiptare ka hequr dorë nga pretendimet apo ankesat në lidhje me shelfin kontinental të ishujve Othonoi dhe Erikoussa, i cili është i një rëndësie të veçantë në lidhje me kontestimin greko-turk mbi Kastelorizon. Sipas kësaj gazete pas nënshkrimit të kësaj marrëveshjeje, kjo çështje do të quhet njëherë e përgjithmonë e mbyllur.
Kujtojmë se blloqet 1 dhe 2 në detin Jon u tenderuan nga qeveria greke në korrik 2015. Për bllokun 2 në Veri të detit Jon u nënshkrua vitin e kaluar kontrata me konsorciumin – TOTAL- HEP – EDISON për kërkim gazi dhe hidrokarbure.
Tani, zyrtarët e lartë të qeverisë greke shprehin besimin e tyre se problemet e tilla nuk do të ngrihen përsëri duke e quajtur çëshjen e ridemarkacionit të ZEE-së me Shqipërinë përfundimisht të mbyllur.
Burimi: Energypress.gr
Përshtati në shqip: (B.S/Faxweb)
