Një ngjarje e rëndë ka ndodhur mesditën e sotme në Shkup, ku një 84-vjeçar ka vrarë nipin e tij 32-vjeçar dhe ka plagosur bashkëshorten dhe vajzën e tij.
Anadolu Agency (AA) njofton se i moshuari pas masakrës ka qëlluar më pas edhe veten.
“Sot rreth orës 12:40 është lajmëruar se në rrugën “Ho Shi Min” në lagjen Butel të Shkupit është konstatuar se një 84-vjeçari me inicialet B.T me armë ka shtënë ndaj nipit të tij T.S (32) i cili ndërroi jetë në vend të ngjarjes, si dhe ndaj bashkëshortes B.T dhe vajzës L.S (58), dhe më pas kreu vetëvrasje.”, thuhet në njoftimin e policisë.
Mësohet se dy gratë e plagosura, janë dërguar me urgjencë në spital ku ndodhen në gjendje kritike për jetën. Ndërkohë policia ka nisur hetimet dhe po punon për zbardhjen e detajeve të plota të ngjarjes. (D.D/Shuplaka)
Discussion about this post