Masakra në Korçë, babai i Naum Toshit: Marsela zuri dashnor në mëhallë, djali e ndiqte

Andrea Toshi, babai i autorit të masakrës të shënuar në Korçë më 5 dhjetor, ku një baba mbyti dy fëmijët e mitur dhe u vetëvar për shkak të konflikteve me bashkëshorten, ka treguar të tjera detaje lidhur me ngjarjen.

I moshuari ka rrëfyer për emisionin “Me zemër të hapur” se shkak i mosmarrëveshjeve në çift janë bërë skenat e xhelozisë të Naumit, i cili e kapi mat Marselën me një tjetër mashkull.

“Ata ishin bashkë prej 5 vitesh. Ne e kemi dashur Marselën, e trajtoja më mirë se nuset e tjera. Njëherë ajo u largua, e kur u kthye e pieta “Ku ishe?”, nuk më kthente përgjigje. E pyeta prapë, por nuk fliste. Pastaj i thashë “Moj, çfarë jam unë? Ku ishe?”, “Brodha”, më tha. Vazhdonte ta bënte këtë. Zuri një dashnor në mëhallë. Një ditë, djali e ndjek, ishte ngjitur me murin. E merr djali, e sjellë në shtëpi.”, tregon i moshuari.

Mësohet se Marsela Toshi e kishte denonuar Naum Toshin tek autoritetet greke për dhunim. Policia në Greqi, ka denoncimin që Marsela ka ngritur ndaj Naumit, megjithatë nuk është marrë asnjë masë. Ndërkohë, në dëshminë e saj në Shqipëri, ajo është shprehur se nuk është dhunuar kurrë.

Andrea Toshi se tradhëtia e 24-vjeçares e shtyu çiftin të kthehej në Shqipëri dhe të strehohej në një prej dhomave të shtëpisë. “Naumi punonte, Marsela jo. Djali punonte si qeni. Kujdesej për dy fëmijët. Njërin e çonte në kopësht, e tjetrin në shkollë, në klasë të parë.”, rrefen babai i 41-vjeçarit.

Familjarët mohojnë se Naum Toshi është autori i krimit. Ata tregojnë se natën e ngjarjes së rëndë, 24-vjeçarja u kthye në banesë bashkë me disa persona që e prisnin jashtë, të cilët mund të kenë kryer krimin.

“Marsela hyri në Shqipëri në orën 02:00 dhe u largua në orën 05:00 të mëngjesit. Fqinjët dëgjuan atë natë ulërima dhe të bërtitura.”, është shprehur nipi i Naum Toshit.

“Ditën e varrimit, unë shkova në shtëpi të tërhiqja lekë të tjera, të cilat nuk i gjeta. Marsela i ka marrë. Pse e liroi policia atë pasi i morri dëshminë?”, shprehet Andrea Toshi.

Reagon nëna e Marsela Toshit

Në një lidhje telefonike, nëna e Marsela Toshit, shprehet se e bija ka bërë disa gabime që nuk i falen. Sipas saj, Naumi nuk do t’i vriste kurrë fëmijët, mund të jetë vepër e atyre që shoqëronin Marselën.

“Naumi s’do ta bënte kurrë këtë gjë. Ai i donte shumë fëmijët. Nuk e di, por mund të kenë pasur gisht ata që e kanë shoqëruar Marselën. Naumi linte kokën për fëmijët.”.

Mimoza Gremi ka shprehur zhgënjimin lidhur me të bijën. Ajo tregon se pavarësisht tolerimeve, e bija nuk ndryshoi. “Burri e fali disa herë, e mori në shtëpi. Vajza ime ka bërë disa gabime që nuk falen. Të gjithë kemi gabuar, por jo si ajo.”

(Në foto, Andrea Toshi)

(Në foto, Naum Toshi)