Pak ditë pas ngjarjes së rëndë të shënuar në Korçë, ku një baba mbyti dy fëmijët e tij të mitur dhe më pas u vetëvar, kanë reaguar të tjerë familjarë. Nipi i autorit të krimit të 3-fishtë Naum Toshi, fajëson 24-vjeçaren Marsela Toshi, si shkaku i krimit të rëndë.
Hektor Golka, nipi i 41-vjeçarit, apeloi dje në polici që të zbardhet ngjarja dhe të mos favorizohen autorët e krimit makabër. Në një intervistë për “GSH”, ai rrëfen tronditjen e tij dhe shprehet se “daja i tij nuk ishte vrasës dhe se ai kurrë nuk do e bënte një krim të tillë”.
“Daja im, Naumi nuk do i vriste kurrë Vasjanin dhe Jorgenin, sepse jepte jetën për ata. Gjithmonë kujdesej për fëmijët, i lante, ushqente dhe i vishte. Unë kam qenë vetë në një lokal nate dhe e kam parë Marselën me persona të tjerë teksa kërcente dhe ishte e alkoolizuar. Daja im e ndiqte gjithmonë atë pas dhe e gjente me persona të ndryshëm. Nuk u nda prej saj vetëm për hatër të fëmijëve.”
Ai rrëfen përpjekjet e autorit për ta larguar Marselën nga ajo punë, e cila pavarësisht kësaj, vazhdonte të punonte në një lokal nate. Golka tregon se 24-vjeçarja ishte larguar edhe me djalin e saj të madh (nga martesa e parë) në shoqërinë e disa të panjohurve dhe u gjet më pas në një furgon të vjetër.
29-vjeçari akuzon bashkëshorten e Naumit dhe nënën e dy të miturve si shkaktaren që çoi në kryerjen e krimit monstruoz.
“Ne dyshojmë që daja të ketë varur fëmijët dhe veten. Dyshojmë edhe për letrën që ka gjetur gjyshi tek dera, pasi nuk është shkrimi i Naumit. Dyshojmë që gjithçka e ka bërë Marsela bashkë me persona të tjerë. Ajo ka ardhur nga Greqia në shtëpi në orën dy të mëngjesit dhe ka kaluar sërish në Kapshticë në orën 05:00. Pse erdhi dhe iku sërish ajo?”, shprehet Hektor Golka. Sipas tij, Naum Toshi ka pasur në banesë 7 milionë lekë të vjetra, të cilat Marsela i ka marrë dhe është larguar.
Discussion about this post