Menjëherë pas reagimit të kreut të opozitës ndaj ngjarjes së rëndë ndodhur sot në Korçë, nuk ka vonuar reagimi i ministrit të Brendshëm, Saimir Tahiri.
Fjalës së Bashës se “këto ngjarje reflektojnë gjendjen e varfërisë dhe dëshpërimit në të cilën ka hyrë shoqëria jonë”, ministry Tahiri iu përgjigj: Të shohësh episode dhune që nuk mbeten vetëm brenda mureve të Parlamentit, por çojnë sinjale dhunë edhe tek qytetarët. Ndaj unë them që politika të lërë dënglat dhe të promovojë qytetarët që respektojnë ligjin, që nuk i dedikohen dhunës dhe të refuzojmë të gjithë së bashkë dhunë.”
Sa i përket krimit të 3-fishtë në Korçë, ministri i Brendshëm, tha se është e trishtë të shohësh kaq shumë referime për dhunën në familje, ndaj nevojitet të krijohen mekanizma mbrojtëse dhe parandaluese.
“Për ndihmë nuk është e para policia. Duhet të ketë mekanizma shoqërorë që i paraprijnë policisë, në mënyrë që viktimat e dhunës të mos jenë të tilla.”, u shpreh Tahiri nga Laçi. I pyetur për ngjarjen e rëndë shënuar në Fier, ku gruaja e hedhur nga dritarja kishte urdhër-mbrojtjeje, ministri tha se “detajet e çështjes do të bëhen publike sipas rastit”.
Discussion about this post