Këshilli Bashkiak i Himarës u mblodh paraditen e sotme për të zgjedhur kryetarin e ri të ri të komanduar pasi Beleri dhe Goro ndodhen në burg. Akoma panisur mirë, mbledhja u shioqërua me tensione pasi disa banorë mbështetës të Fredi Belerit me thirrje në greqisht, “I shitur!’ dhe “Dil Jashtë!’, kundërshtuan prezencën e prefektit të Vlorës Vangjel Tavon. Një nga banorët madje pështyu Tavon, teksa ai po largohej nga salla. Këtë incident e ka komentuar vetë prefekti i qarkut të Vlorës, Vangjel Tavo. Në një dalje për mediat ai tha se interesat e vogla kanë marrë peng interesat e komunutetit himariot.
“Kjo është një stuhi në gotë dhe si e tillë do të marrë fund shpejt. Në lidhje me hipotekimin e pronave të tyre, unë si prefekt, në bashkëpunim me Agjencinë Shtetërore të Kadastrës dhe pushtetin vendor, do të fillojmë nga e marta të gjithë procesin e pajisjes së kësaj bashkie me dokumentin hipotekor. Unë si prefekt do zbatoj ligjin. Jam këtu për të pritur ccdo qytetar për shqetësimin e tij dhe për të zgjidhur shqetësimet e pronave brenda çdo kompetence që ma jep ligji. Unë di të interpretoj ligjin dhe ligji thotë se çfarë ndodh në kushtet e krijuara. Himara nuk mund të lihet pa u qeverisur dhe në këto kushte zbatojmë ligjin. Ligji e ka të qartë se çfarë ndodh në këto situata. Këtu nuk flitet me emocione politike por i referohemi ligjit”, u shpreh Tavo.
Discussion about this post