Mbetet në trafik dhe aty për aty gjen zgjidhjen më të shpejtë. Kandidatja e Durrësit për LSI-në, Edlira Hyseni hipën majë motorit.
Hyseni është shfaqur krejt ndryshe nga sa jemi mësuar ta shohim. E njohur për profilin e saj “strikt” prej eksperte kontabël dhe në dy vitet e fundit si zëri publik më i ashpër në Këshillin Bashkiak. Hyseni ka zgjedhur që fushatën e saj ta bëjë në terren, pa distancim nga qytetari.
”Se në kohë trafiku ka mjete të shpejta për të dalë në krye e kur mësohesh të jesh forcë e parë, s’ke kohë të humbësh, për të takuar kaq shumë njerëz që kanë dëshirë të të votojnë”, komenton kandidatja.
Hyseni njihet për sulmin e fortë kundër buxhetit të Bashkisë së Durrësit pak kohë më parë. Ajo shpjegoi edhe pse ka zgjedhur LSI-në. “Në këtë rrugë të re që zgjodha të besoj, eci në majë të gishtave, sepse politika është art dhe profesion dhe politikan nuk bëhesh në një ditë. Besoj tek forca e madhe e politikës për të sjellë ndryshimet, për të ngritur Shtetin, hartuar ligjet dhe detyruar Institucionet në zbatimin e tyre, për të punuar në shërbim të vendit dhe njerëzve, për ta sjelle Evropën këtu mes nesh ! Por, politika jemi vetë ne, janë jetët tona, nevojat tona, aftësitë dhe vlerat që çdokush nga ne zotëron dhe përmirëson. Politika është zgjedhja jonë me votën e lirë! Si anëtare e Këshillit Bashkiak të Durrësit, përfaqësuese e LSI, jam përpjekur të mos harroj për asnjë çast prioritetet që kam ndjekur përherë në jetën time : e mira, e drejta, e vërteta! Në botën time optimiste besoj tek e mira, si një vlerë e çmuar që në fund përherë fiton dhe se ndeshet shpesh, shumë shpesh, me të keqen që kudo e gjen. Në çdo vendimmarrje politike, aty në mini-parlamentin vendor, kam kërkuar të kuptoj ku ishte e mira e çdo projekti që parashtrohej për miratimin tonë. Çfarë të mire do t’i sillte ai vendim qytetit tim që si çdo durrsak, aq fort e dua? Po banorëve të tij, që si dhe unë, këtu kemi ngritur jetët tona?” (V.G/SHUPLAKA)
[ngg_images source=”galleries” container_ids=”2043″ display_type=”photocrati-nextgen_basic_imagebrowser” ajax_pagination=”1″ order_by=”sortorder” order_direction=”ASC” returns=”included” maximum_entity_count=”500″]
