Një numër i konsiderueshëm votash për ministrin më të suksesshëm të qeverisë kanë rezultuar të manipuluara. Deri në këtë moment, vijon të kryesojë ministri i Drejtësisë, Ylli Manjani, me mbi 11 mijë e 700 vota, i ndjekur nga ministrja e Arsimit, Lindita Nikolla, me 11 mijë vota dhe në vend të tretë ministri i Drejtësisë, Saimir Tahiri me 9,147 vota.
Në emisionin e mbrëmshëm ku u fol për votimin e ministrave të kabinetit qeverisës, rezultoi se sa më i lartë të ishte numri i votave për ministër, aq më e lartë ishte përqindja e votave të manipuluara për atë ministër.
Sipas të dhënave, për Ministrin e Drejtësisë rreth 60% e votave janë të pa vlefshme, për Ministren e Arsimit rreth 73%e votimeve dhe për Saimir Tahirin 30% e votave kanë qenë false.
Referuar asaj që ka deklaruar webmasteri i opinion.al, është vënë re një mobilizim për votim edhe nga institucionet shtetërore, kryesisht shkollat, të cilat kanë votuar për Nikollën.
“Janë regjisturar shumë screepte që kanë votuar për një ministër të caktuar. Kompania që ka fituar tenderin e shpërndarjes së internetit nëpër shkolla, të gjitha IP e kësaj kompanie kanë votuar për ministren e Arsimit Lindita Nikolla. Pra shkollat kanë votuar në mënyrë të organizuar. Ka një mobilizim të mësuesve të informatikës që janë mobilizuar për të votuar Nikollën”, është shprehur ai.
Sipas gazetarit Robert Rakipllari, Tahiri është një figurë politike e rëndësishme dhe mbi të gjitha është votuar nga të vetët, çka justifikon renditjen në vendin e tretë.
Nga rreth 13milion e 350 mije kilkime të vlefshme dhe që janë përfshirë në sondazhin e pa manipuluar, janë vetëm 43mijë vota të sakta. (XH.A/SHUPLAKA)
Discussion about this post