Pesë persona, pjesë e një organizate kriminale shqiptare që merrej me vjedhje, janë arrestuar në Austri.
Ata u vunë në pranga në qytetin Innsbruck në një operacion ku morën pjesë edhe forcat speciale, raporton portali austriak “oe24”.
Sipas policisë austriake, dega kryesore e bandës që vepronte që prej vitit 2011, ishte në Austri, por kishte shtrirje edhe në Gjermani e Zvicër.
Dëmi i shkaktuar nga organizata kriminale në Austri arrin në 575.000 euro, ndërsa në Gjermani rreth 200.000 euro.
Deri tani nuk është publikuar identiteti i asnjë prej të arrestuarve. (A.R/SHUPLAKA)
