El Salvadori radhitet në mesin e vendeve më të rrezikshme në botë, kjo për shkak të përleshjeve të bandave kriminale të cilat bëjnë që asnjë ditë të mos kalojë pa u kryer ndonjë vrasje.
Për herë të parë pas dy vitesh, e enjtja e 13 janarit shënon herën e parë që nuk është shënuar asnjë vrasje gjatë ditës.
Lajmi u bë i ditur nga shefi i policisë së këtij vendi, Howard Cotto, i cili në një deklaratë për mediat tha se pas një periudhe të gjatë kohore, dita ka kaluar pa u shënuar ndonjë vrasje.
Sipas të dhënave statistikore, rezulton se dita e fundit kur në El Salvador dita ka kaluar pa ndonjë vrasje të regjistruar, ka qenë ajo e 22 janarit 2015-ës.
Mediat lokale shkruajnë se gjatë 2016-ës, në El Salvador mesatarja e vrasjeve në ditë ka qenë 14.4, shifër mjaft alarmante dhe shqetësuese. (D.D/Shuplaka)
Discussion about this post