Gjykata e Monza-s ka dhënë vendimin për biznesmeni italian Aldo Conti dhe dhëndërin i tij shqiptar Vladimir Cara, të cilët akuzohen si krerët e grupit italo-shqiptar që sipas hetimeve të Guardia di Finanza të Lecco-s, kanë mbushur me kokainë Italinë e Veriut.
Mediat italiane shkruajnë se Gjykata ka vendosur që të dënojë me 9 vite burg dhe 70 mijë euro gjobë secilin prej të arrestuarve, edhe Aldo Conti-n, 57-vjeç , edhe dhëndërin e tij Pasquale Disanti, 32 vjeç.
Sakaq, mediat italiane shkruajnë se gjykata ka dhënë 2 vite dënim me kusht, për 51-vjeçaren Loredana Perillo-n.
Të tre këta persona ishin pjesë e hetimeve të Guardia di Finanza-s së Lecco-s, që gjatë operacioneve të koordinuar nga Prokurira e Monza-s arrestuan 21 persona dhe sekuestruan 94 kg kokainë në më pak se një vit. Nëse kjo sasi droge hidhej në treg, trafikantët do të mund të gjeneronin rreth 4 milionë euro.
Sipas “Il Giorno”, Aldo Conti, biznesmeni Italian që drejtonte një zinxhir picerish në Seregno, Meda e Barlassina, është shpallur fajtor sdhe është cilësuar kapot e grupit italian, që trafikonte kokainë. Po ashtu edhe Vladimir Cara, dhëndëri tjetër i Contit, përveç Disantit.
Ky i fundit, i cili rezulton edhe me precedentë të mëparshëm penalë, është dënuar më herët me 15 vite burgim në Apel.
Ndërkohë, 12 pjestarët e tjerë të grupit shqiptar kanë marrë dënime nga 3 vite-8 muaj burg. (D.D/Shuplaka)
