Pas reagimeve nga SHBA dhe Bashkimi Europian, edhe Ambasadori i Gjermanisë në Kosovë, Jorn Rohde ka vendosur të mbajë qendrimin e tij në lidhje me veprimet e qeverisë së Kosovës, për mbylljen e disa komunave paralele të Serbisë në vend.
Në një postim në platformën “X” Rhode është shprehur se i pajtohet deklaratës së Bashkimit Europian ku iu bë thirrje Kosovës “të shmangë veprimet e njëanshme që mund të rrisin tensionet dhe t’i adresojë këto çështje përmes dialogut të lehtësuar nga BE”.
Sipas Rohde veprimet e njëanshme të Kosovës “vetëm sa i hedhin benzinë zjarrit”.
“Përsëri, unë e mbështes plotësisht këtë deklaratë! Masat e njëanshme vetëm sa i hedhin benzinë zjarrit dhe janë pikërisht e kundërta e uljes së tensioneve”, shkroi Rohde.
