Kryeministri Edi Rama i është përgjigjur presidentit Ilir Meta në lidhje më kërkesën e këtij të fundit për ti treguar me video dhe me emra, se kë subjekt të OFL-së ka takuar.
Duke mos i kthyer përgjigje të drejtpërdrejtë Metës, Rama thotë se ai e di vetë se kë ka takuar dhe se është e sigurt që dergjet skutave për të rrëzuar qeverinë.
Po ashtu Rama tha me ironi, duke u përgjigjur në lidhje me akuzat se PS-ja ka përjashtuar intelektualët dhe ka afruar banditët, Rama tha se i vetmi profesor që është përjashtuar është Kastriot Islami.
Rama: Ilir Meta u ka shkruar një letër. Që unë kam qenë emigrant, ky është fakt. Që të kemi prapë emigrant në listën e deputetëve besoj kjo është krejt e natyrshme. Kënga e refugjatit që u bë ministër është kënga që në thelb e do Shqipërinë vetëm për vete. E dyta, Ilir Meta flet për banditë dhe trafikantë ndërkohë që profesorë dhe intelektualë qenkan përjashtuar nga Partia Socialiste dhe të merrni mbrapsht Kastriot Islamin dhe pastaj t’i bëni atë që s’thuhet Partisë Socialiste.
Iliri do video. Unë me video nuk merrem. Se kërkon video për skutat ku ai futet. Por, është e sigurt që President në botë, në Shqipëri, as Saliu që ishte President partiak që as s’ka pasur dhe nuk do të ketë më që dergjet skutave për të bërë fushatë kundër qeverisë. Kë takon ai nëpër skuta, e di vetë. Fakti që futet nëpër skuta lart e poshtë për të rrëzuar qeverinë sikur të ishte më i votuari dhe më i kërkuari, është në vetvete kriminal. Thonë shumë që t’i na e bëre president. Ilir Meta u bë president me votat e veta dhe të PS-së. Nuk kishim votat për të bërë President sipas dëshirës tonë. E kam thënë ditën që e kemi votuar që po i japim Presidentin më të mirë. Nuk e kam menduar që po shkallonte deri në këtë pikë. Ose duhet të iknim në zgjedhje dhe përsëri do ta kishim në pikëpyetje nëse do i kishim votat. Nuk i kthehem mbrapa për t’u justifikuar.
(M.Q/Faxweb.al)
Discussion about this post