Aktivisti Besjan Pesha është mbajtur për rreth 2 orë sot në ambjentet e komisariatit nr.1 në kryeqytet. Kjo për shkak se sipas organeve të rendit ai kishte organizuar një protest në mënyrë të jashtëligjshme.
Ai vetë menjëherë pas ndalimit në komisariat është shprehur se asnjëherë më shumë se sot nuk i ëhstë dukur më qesharak pushteti. Më pas ai ka thënë që që prej viteve 2000 është marrë me protesta të vazhdueshme.
Pesha i thotë ”Shuplakës” se policia e ka marrë në telefon dhe i ka kërkuar të paraqitet në komisariat dhe më pas e kanë mbajtur për dy orë aty. E gjitha kjo bëhet për tubimin e një dite më parë kundër rritjes së çmimit të karburanteve. Duhet thënë se Pesha edhe më parë ka qenë pjesv e tubimeve.
REAGIMI I BESJAN PESHËS:
Sapo dola nga komisariati nr.1 mbas një seance pyetjesh të çuditshme, 2 orë me rradhë, e cila filloi me kërcënim për arrestim e përfundoi me procedim penal për organizim të vazhdueshëm protestash “të jashtëligjshme” të cilat sipas kuesturës synojnë destabilizimin e vendit nga armiqtë e brendshëm dhe të jashtëm.
Kam që nga viti 2002 që organizoj e marr pjesë në protesta, po kurrë nuk e kam parë pushtetin me qesharak se sa sot. Ne kemi protestuar për plehrat, që ato të mos vijnë ne Shqiperi sepse ky vend ka mjaftueshëm plehra të vetat.
Protesta ja doli ti mbajë plehrat jashtë, të pakten ligjerisht. Nëse ky akt eshte sulm ndaj stabilitetit atehere e pranoj me nder termin armik. Kemi protestuar per Zharrezen qe banoret te marrin demshperblim te ndershem per demet e shkaktuara nga nje kompani private. Protesta ja doli tu jape atyre vendimet qe meritonin.
Nese ky akt cenon stabilitetin e vendit, atehere jam i lumtur te jem armik. Dje kemi dale ne shesh per cmimin e naftes, e cila taksohet me shume se ne Gjermani dhe ka nje cilesi mjerane qe na demton xhepin dhe shendetin. Nese ky akt eshte sulm ndaj stabilitetit, po ore une jam armik. Dhe e dini cfare? Do vazhdoj te jem armik. Me procedime apo pa procedime, me arrestime apo pa arrestime, me kercenime apo pa kercenime, me denigrime ne portalet e pushtetit apo pa to, une do vazhdoj te jem armik. Armik i klases se degjeneruar politike, sidomos i kesaj qe qeveris e qe po i merren kembet keto dite pranvere.
Procedimet tuaja jane dekorata! Ju puth! (E.K/SHUPLAKA)
Discussion about this post