Një 60-vjeçar ka mbetur i vrarë me armë zjarri mbrëmjen e së dielës në fshatin Rukaj të njësisë Administrative Rukaj në Bashkinë e Matit. Ngjarja ndodhi rreth orës 21 e 30 minuta, teksa persona të panjëohur kanë zbrazur një breshëri automatiku në drejtim të shtetasit Hajredin Lleshi.
Mësohet se ka qenë djali i viktimës ai që lajmëruar policinë e Matit e cila ka shkuar menjëherë në vendin e ngjarjes. Dëshmitar nga vendi i ngjarjes thanë se viktima është thirrur nga një person i cili ishte në një automjet rreth 20 metra larg banesës së Lleshit.
Sapo ai ka dalë të shikojë, mbi të është zbrazur breshëria e automatikut. Burime të policisë thanë se në vendin e ngjarjes nuk janë gjetur gëzhojat e predhave, pasi autorët kanë gjuajtur nga makina, duke marrë me vete edhe gëzhojat. Në vendngjarje ishte vetë Drejtori i Policisë së Qarkut Dibër, Etmond Tarkaj dhe Prokurori i Matit Abaz Muça.
Postblloqe të shumta u ngritën në të gjitha rrugët kryesore, pasi autorët kanë përfituar nga errësira për tu larguar nga vendi i ngjarjes. Ndërkaq, policia ka shoqëruar disa persona për verifikim dhe për tu marrë në pyetje.
Sipas policisë pista e parë e vrasjes së 60-vjeçarit është ajo e gjakmarrjes. Rreth katër vite më parë edhe i vëllai i viktimës, Xhavit Lleshi është ekzekutuar me armë zjarri në një pritë, pasi i kishte shpëtuar më parë një atentati në fshatin Pujkë. Po ashtu, rreth 17 vite më parë, një tjetër vëlla i viktimës është vrarë teksa ka qenë duke pirë me shokë. (E.K/SHUPLAKA)
Discussion about this post