Banorët e Unazës së Re kanë dalë sërish mbrëmjen e sotme në protestë ko kanë lëshuar deklarata të forta ndaj qeverisë, policisë dhe ambasadorit të OSBEE-së, Bernd Borchardt i cili mbrëmjen e kaluar ofendoi rëndë protestuesit me ngritjen e gishtit të mesit.
Banorët kanë nënshkruan një peticion, që do t’i dërgohet presidencës, OSBEE-së dhe gjithë institucioneve në vend dhe atyre ndërkombëtare. “Ky person është i padëshiruar, ai na përshëndeti me gishtin e mesit dhe ne e përshëndesim me të njëjtën mënyrë. Por ne jemi qytetarë që kërkojmë dëmshpërblimin për pronat tona, ndërsa ai është përfaqësues i Bashkimit Europian në vendin tone”, tha njëra nga protestueset.
“Me zjarr e benzinë do ta mbrojmë shtëpinë”. Janë thirrjet e banorëve të unazës së re që preken nga projekti i zgjerimit.
Një tjetër banore e prekur nga projekti ka deklaruar se protesta do të vijojë derisa të vejë gjaku në gju, pasi janë në të drejtën e tyre
“Protesta do vijojë deri sa të vejë gjaku në gju, fuqia jonë është në rritje. Ka hipur në anije të kalbur e po mbytet nga dita në ditë. Nuk do ia falim Shqipërinë një të sëmuri psikik që ka vetëm një emër. Ne jemi më të fortë se kurrë, kemi mbi kokë Zotin. Të venë para drejtësisë ata që vodhën 40 milionë euro.”
Banorët protestuan në trotuar, duke qenë se policia nuk i lejon të protestojnë në rrugë. Ndërkohë që vazhdohen të mbahen në qeli të arrestuar disa prej protestuesve të ndaluar gjatë protestave të fundit, midis tyre edhe ish-deputeti demokrat, Klevis Balliu.
https://www.facebook.com/faxweb.al/videos/942274112813760/
(F.GJ/FAXWEB.AL)
Discussion about this post