Zonja e parë e Amerikës, Melania Trump bashkë me djalin e saj Barron do të qëndrojnë në New York dhe nuk do të jetojnë në shtëpinë e Bardhë derisa ky i fundit të mbarojë vitin shkollor.
Ata do të vazhdojnë të jetojnë në rezidencën e tyre në New York, ndërsa presidenti Donald Trump do të shkojë në Shtëpinë e Bardhë menjëherë pas marrjes së detyrës.
Sipas CNN për këtë periudhë kohore këtë hapësirë do e plotësojë vajza e Donald Trump, Ivanka.
Thuhet se Ivanka për këtë periudhë do të qëndrojë në zyrën e zonjës së parë të Amerikës, duke punuar pranë presidentit, babait të saj.
Ky lajm është përgenjështruar menjëherë nga zëdhënësja e Donald Trump, Hope Hicks, e cila tha se një gjë e tillë nuk është vendosur akoma.
Megjithatë në mediat botërore po përflitet çdo ditë se vajza e Donald Trump, Ivanaka do të jetë pjesë e administrates së Shteteve të Bashkuara.
Discussion about this post