Mendoi se i kishte marrë jetën gruas dhe vajzës, i moshuari kalon 24 vite të jetës i fshehur në pyje

Një burrë i moshuar, që mendonte se u kishte marrë jetën vajzës dhe bashkëshortes, kaloi 24 vite të jetës së tij i fshehur në pyje.

Duke qenë se pothuajse nuk doli fare nga pyjet, Nikolai Gromov-it iu desh të jetonte me kafshët e egra dhe ka humbur këmbën si pasojë e një gangrene.

Më shumë se dy dekada më parë, Nikolai Gromov ishte zënë me bashkëshorten Lyubov Petrovna ndërkohë që ishte i dehur. Gjatë zënkës ai kishte lënduar të shoqen dhe vajzën e tyre 6-vjeçare Elena.

Më pas, kur i doli pija, ai u kthye në shtëpi por pasi nuk gjeti asnjeri brenda mendoi më të keqen. Në fakt, nënë e bijë kishin shkuar në spital për të marrë ndihmë mjeksore dhe më pas kishin ndërruar edhe banesë.

Por, duke menduar se u kishte marrë jetën, Gromov vazhdoi të arratisej nëpër pyje. Ai u zhduk nëpër tajgën ruse duke menduar se aty policia nuk mund ta gjente.

Në qershor të këtij viti, Nikolai, i cili tashmë është 72-vjeç, u detyrua të shkonte në spital pasi i ishte infektuar keq këmba.

Pasi e kuptuan që ai ishte i pastrehë, mjekët që po kujdeseshin për të e bënë rastin publik me shpresën se njerëzit mund të ndihmojnë për t’i siguruar një vend ku të fusë kokën.

Pasi u identifikua nga policia Gromov është vënë në pranga për akuza të ngritura kundër tij vite më parë.