Skuadra e Laçit po kalon një moment tepër të vështirë në Superligë këtë pjesë të sezonit. Kurbinasit kanë regjistruar 3 fitore, 5 barazime dhe 10 humbje për vetëm 18 javë të kampionatit.
Ndaj bardhezinjtë do të fokusohen tek merkato e dimrit për të përforcuar skuadrën që të rikthehen më në formë për pjesën tjetër të edicionit.
Ashtu siç vepruan në merkaton e verës, laçjanët do të bashkëpunojnë përsëri me Skënderbeun, për të huazuar ndonjë lojtar, si mbrojtësi Bruno Lulaj, i cili ishte ndër lojtarët më të pikasur në ndeshjet e zhvilluara.
Dhe pse nuk është zyrtarizuar akoma, mendohet që dy lojtarët e piketuar te kampionët në fuqi janë braziliani Serxho Xhunior dhe Leonit Abazi. Të dy lojtarët me shumë gjasa do të veshin fanellën e kurbinasve për të kontribuar në qëndrimin e ekipit në Superligë, pasi gara është bërë e fortë edhe nga fundi i tabelës.
Discussion about this post