Merrnin deri në 15 mijë lekë për kolaudimin e makinave, 6 në pranga

Policia e Tiranës ka arrestuar 6 persona, të cilët dyshohet se, në bashkëpunim me njëri-tjetrin, kanë përfituar shuma të ndryshme nga qytetarët (3 000 deri në 15 000 lekë të reja) për kolaudimin e automjeteve të tyre pranë pikës së kolaudimit në Fushë-Prezë.

Sekuestrohen  1 automjet mercedez benz  si dhe disa dokumenta të automjeteve të cilat nuk i përkasin personave të ndaluar si dhe 10 telefona celularë të markave të ndryshme.

Me  datë 14.02.2017, në orën 15.30, seksioni i korrupsionit në kuadër të operacionit ” Kolaudimi ” në bashkëpunim me Njësin Task Forcë, të Prokurorisë pranë Gjykatës së shkallës Parë Tiranë, pas një punë disa mujore është finalizuar procedimin penal i  2016 ,ku janë ndaluar shtetasit:

Bashkim RRAPI, 47 vjeç, banues ne Gjeç-Kodër, Bashkia Vorë.

Agim BUDLLA, vjeç 45 ,banues në njesia Administrative Prezë, Bashkia Vorë.

Alban SALA, 42 vjeç banues në Tiranë.

Fatmir RRAPI, 31 vjeç, banues ne Gjeç-Kodër, Bashkia Vorë.

Avni BUDLLA, 26 vjeç lindur ne Tirane dhe banues ne fshatin Ahmetaq, njesia Administrative Preze, Bashkia Vore – Tirane.

Eduart BUDLLA,26 vjeç,lindur ne Tirane dhe banues ne fshatin Ahmetaq, njesia Administrative Preze, Bashkia Vorë – Tiranë.

Arrestimi i këtytre shtetasve u bë për veprën penale të “Ushtrimi i ndikimit të pa ligjshëm i kryer në bashkëpunim”, parashikuar nga neni 245/1 e 25 i K.Penal,

 Pasi këta shtetas në bashkëpunim me njëri tjetrin dyshohen se  kanë përfituar shuma të ndryshme nga qytetarët që varjonin nga 3.000 deri në 15.000 lekë të reja për kolaudimin e automjeteve të tyre pranë pikës kolaudimit Fushë – Prezë, Tiranë.

 Nga ana jonë u sekuestruan në cilësinë e provës 1 automjet, konkretisht automjeti mercedez benz me targa AA 305 BO, si dhe disa dokumenta të automjeteve të cilat nuk i përkasin personave të ndaluar si dhe 10 telefona celularë të markave të ndryshme….,

Materialet proçeduriale iu kaluan Prokurorisë pranë Gjykatës së Shkallës së Parë Tiranë, në ngarkim të shtetasve të sipërpërmendur, për veprën penale “Ushtrimit i ndikimit të paligjshem ndaj personave që ushtrojnë fuksione publike i kryer në bashkëpunim”, parashikuar nga neni 245/1 e 25 i K.Penal.