Policia e Tiranës ka vënë në pranga 4 persona, të cilëve iu është sekuestruar 60 kg drogë. Personat e arrestuar janë Ylber Gega 45 vjeç, Ylber Zllami 36 vjeç, Leonard Çela 37 vjeç dhe Albert Ajdini 27 vjeç. Lënda e sekuestruar dyshohet të jetë kanabis sativa.
Ata në bashkëpunim me njëri-tjetrin bënin shpërndrajen e lëndës narkotike. Droga shpërndahej në disa zona të kryeqytetit si autostrada Tiranë-Durrës pranë fshatit Domje, në zonën e Qafë Kasharit, te zona e shinave të Trenit dhe zona të tjera.
Përveç drogës të arrestuarve iu gjetën dhe dy automjete dhe 6 telefona celularë në cilësinë e provës materiale. Droga ishte e ndarë në gjashtë thasë dhe e vendosur në një nga sediljet e pasme të makinës.
Detajet e policisë:
Në bazë të informacioneve që disponoheshin për këta shtetas se do të bënin një shkëmbim të një sasie të konsiderueshme kanabisi në zonën e Domjes, pranë autostradës Tiranë-Durrës, janë organizuar shërbimet me qëllim kapjen ne flagrancë të këtyre shtetasve. U konstatuan dy automjete, një “Ford” dhe një “Opel”, të cilat kanë ndaluar pranë njëra-tjetrës me disa persona në brendësi të tyre e më pas kanë kaluar në një fushë pranë shinave të trenit. Menjëherë është bërë nderhyrja nga ana e policisë dhe është ushtruar kontrolli në automjetet e mësipërme, ku janë gjetur 6 thasë të zinj me kanabis, në pjesën e bagazhit dhe 4 thasë të tjerë në sediljen e pasme të automjetit tip “Ford”.(E.K/SHUPLAKA)
Discussion about this post