Kreu i Kuvendit dhe presidenti i ardhshëm Ilir Meta ka qenë sot i pranishëm në ambjentet e Kuvendit. Salla e Kuvendit me rastin e ditës së Europës hapi dyert për të gjithë qyetarët e interesuar.
Në fjalën e tij Meta u shpreh se asnjëherë nuk është vonë për të dhënë meszhe bashkëpunimi, dhe me dialog mund të gjenden edhe zgjidhje.
‘’Vetëm fuqia e rinisë mund ta ndryshojë vendin tonë. Ndaj vendit tonë i duhet më shumë qetësi, stabilitet, më pak kokëfortësi dhe më shumë ura bashkëpunimi, më shumë dialog dhe më pak arrogancë. Asnjëherë nuk është vonë për të gjetur zgjidhje gjithë përfshirëse në mënyrë që të ecim më shpejt përpara drejt Integrimit’’, u shpreh Meta.
Kujtojmë se dita e djesme shihej dhe si afati i fundit për negociata mes partive, pasi nga dje ka filluar printimi i fletëve të votimit pa partitë opozitare. Për kryeministrin Rama nuk ka më kohë dhe PS-ja ka mbledhur sot Kongresin e saj Elektoral. (E.K/SHUPLAKA)
