Ka nisur mbledhja e Komisionit Hetimor parlamentar për shkarkimin e presidentit të vendit Ilir Meta.
Predidenti mbërriti në Komisionin Hetimor i shoqëruar nga tre këshilltarë: Këshilltari për Sigurinë, Bahri Shaqiri; Keshilltari Ligjor, Bledi Dervishaj dhe Keshilltari për Mediat, Tedi Blushi, ka mbërritur në këmbë në Kryesinë e Kuvendit.
Kreu i shtetit është ulur përballë anëtarëve të Komisionit, punimet e të cilit i ka çelur kreu i komisionit, njëheresh edhe kreu i Komisionit të Ligjeve, Ulsi Manja, duke argumentuar objektin e ngritjes se këtij komisioni.
“Zoti President, jeni thërritur për të dëshmuar si personi ndaj të cilit Kuvendi i Shqipërisë, ka iniciuar një procedurë shkarkimi nga detyra juaj për shkeljen e rëndë të kushtetutës, mbi bazën e kërkesës së 55 deputetëve të Kuvendit. Bazuar në ligjin për komisionet hetimore ju mund të jepni shpjegimet tuaja për të sqaruar rrethanat e cështjes, të depozitoni cdo provë që e çmoni se sqaron objektin e hetimit parlamentar, të kërkoni pyetjen e dëshmitarëve ose marrjen e provave të tjera nga komisioni hetimor, por brenda afatit të punës së përcaktuara nga komisioni”- tha Manja, duke shtuar me tej se mbledhja e gjitha do te inçizohet.
