Kreu i Kuvendit të Shqipërisë Ilir Meta ndodhet për një vizitë në selinë e Aleancës për Ardhmërinë e Kosovës në Prishtinë.
Ai ka shprehur pakënaqësitë e tij dhe solidaritetin pas arrestimit të liderit të kësaj partie, Ramush Haradinaj, nga autoritetet franceze.
“Arrestimi i Haradinajt ishte akt befasues dhe shokues”, ka thënë Meta.
Ish-kryeministri i Kosovës, Ramush Haradinaj u arrestua të mërkurën nga një flet-arrest i Serbisë, nën dyshimin se gjatë vitit 1998 dhe 99 kishte kryer krime gjatë luftës. Në vitin 2004, Serbia kishte lëshuar flet-arrest ndërkombëtar, duke e akuzuar Haradinajn për krime lufte.
Ai u gjykua nga Tribunali i Hagës për krime të luftës dy herë, mirëpo në të dyja rastet doli i pafajshëm. (A.R/SHUPLAKA)
Discussion about this post