I ftuar në emisionin “Natë me Xhaxhiun” në Televizionin Fax News, kryetar i Komisionit Qëndror të Zgjedhjeve, Klement Zguri tha se Reforma Zgjedhore është parakusht për integrimin në Europë.
Sipas Zgurit, në qoftë se pyetet për dëshirat e tij, ai do të donte që në zgjedhjet e 30 qershorit të shkohet me disa ndryshime në kodin zgjedhor por sipas tij, klasa politike duhet të gjejë arsyen për të bërë ndryshimet që të shkohet drejt një përmirësimi të zgjedhjeve.
“Ka kohë të bëhen disa ndryshime sepse më parë kjo ka ndodhur edhe pak ditë përpara ditës së zgjedhjeve”,– tha kreu i KQZ-së ndër të tjera.
Sipat tij, klasa politike nuk ka vullnet për ti bërë këto ndryshime pasi ka draft për implementim të paktën për disa gjëra të domosdoshme.
Zguri përmendi edhe fenomenin e blerjes së votave që sipas tij ekziston ende, dhe për këtë ai tha që institucionet përkatëse duhet të rrisin penalitetet dhe ti bëjnë më të ashpra ndaj katyre rasteve.
Partitë politike duhet të marrin përgjegjësitë e tyre – tha ai – për gjërat që ju takojnë në lidhje me ligjet dhe me detyrimet e tjera kushtetuese. Ai theksoi se KQZ është korrekte me procedurat pasi nuk ka patur ankesa për organizimin e zgjedhjeve.
Zguri akuzoi partitë politike se kanë vendosur që procesin zgjedhor ta menaxhojnë përmes militantëve të tyre, diçka e cila sipas Zgurit është e papranueshme.
“Partitë politike sjellin militantë për të menaxhuar procesin zgjedhor dhe ne kemi kërkuar që t’ju hiqet kjo e drejtë. Por lind pyetja: A ia heqin ata këtë të drejtë vetës? Shpresoj që po. Sepse nuk mund të vazhdojë më që procesin ta menaxhojë një militant partie, është e papranueshme por shpresojmë që me ndërhyrjen e faktorit ndërkombëtar do të bëhet i mundur përjashtimi i tyre dhe futja e personave të trajnuar dhe profesionist”.
Kryetari i KQZ-së foli edhe për mungesën e anëtarëve të opozitës në mbledhjet e komisionit duke thënë se mungesa e tyre nuk është korrekte por si pas tij, nuk i takon atij që ti gjykojë.
“Për mendimin tim kjo nuk është diçka korrekte por theksoj se nuk ka lidhje me KQZ-në por me mungesën e besimit, me mënyrën se si organizohen proceset zgjedhore dhe me shumë faktorë të tjerë që kanë krijuar idenë se pa realizimin e disa kritereve nuk mund të marrin pjesë në punën e Komisionit” – tha Zguri.
https://www.facebook.com/faxweb.al/videos/263682881182226/
Discussion about this post