Ministri i Brendshëm Taulant Balla u takua ditën e sotme me Përfaqësuesen e Përhershme të UNDP-së Monica Merino.
Balla shprehet se diskutoi me Merinon mbi strategjinë kundër posedimit, keqpërdorimit dhe trafikimit të paligjshëm të armëve të vogla dhe të lehta.
Një burim potencial i krimeve të rënda kundër personit është armëmbatja pa leje, shprehet Balla. Prandaj policia duhet të vijojë operacionet në çdo skutë ku fshihet një armë pa leje.
Nga ana tjetër, Balla thotë se, një ndihmë të vlefshme po jep UNDP në disa bashki të vendit ku është bërë e mundur falë edhe një financimi të qeverisë polake mbështetja e shërbimeve zjarrfikëse me 3 makina dhe shumë pajisje moderne shpëtimi.
Postimi i ministrit Balla:
Me Përfaqësuesen e Përhershme të UNDP-së Monica Merino diskutuam mbi strategjinë kundër posedimit, keqpërdorimit dhe trafikimit të paligjshëm të armëve të vogla dhe të lehta.
Armëmbajtja pa leje është gjithmonë burim potencial i krimeve të rënda kundër personit, sikurse sapo ka ndodhur sot një ngjarje e rëndë në Bashkinë Kamëz. Është detyrë e Policisë e Shtetit 
për të vijuar goditjen me vendosmëri të fenomenit të armëmbajtjes. Operacioni kombëtar “Sundimi i Ligjit” duhet të shtrihet kudo dhe të kontrollohet çdo skutë ku fshihet një armë pa leje.
Një mbështetje e vlefshme nga UNDP po zbatohet për shërbimet zjarrfikëse në disa bashki, falë financimit të Qeverisë së Polonisë, duke u ofruar mbështetje me uniforma zjarrëfikëse
3 makina zjarrëfikëse
dhe shumë pajisje moderne për shpëtimin. Ministria e Brendshme mbetet e angazhuar në modernizimin e shërbimit zjarrfikës në të gjithë vendin.
Discussion about this post