Ministri i Drejtësisë, Gazment Bardhi ka pezulluar nga detyra Sekretaren e Përgjithshme, Juliana Hoxha. Bëhet me dije se ai kishte kërkuar më parë shkarkimin nga detyra të saj.
Juliana Hoxha, me detyrë Sekretare e Përgjithshme, është kandidate për deputete të zgjedhjet e përgjithshme parlamentare të 25 qershorit. Ajo renditet e 24-ta në listën e kandidatëve të PS-së për qarkun e Tiranës.
Në urdhrin e firmosur nga ministri Bardhi, shkruhet se “marrëdhëniet financiare për znj. Hoxha ndërpriten menjëherë me hyrjen në fuqi të këtij Urdhri dhe rifillojnë sipas një Urdhri të të veçantë të Ministrit të Drejtësisë pas konstatimit të rënies së shkakut ligjor të pezullimit”.
Mes të tjerash, në këtë urdhër thuhet se znj. Hoxha kërkoi fiktivisht pezullim të statusit të nënpunësit, ndërsa shkresa në fjalë nuk është protokolluar asnjëherë. Pas dekretimit të ministrit të ri, Juliana Hoxha ka njoftuar KQZ dhe DAP se është tërhequr nga kandidimi, por në urdhër theksohet se “janë bërë me qëllim krijimin e rrethanave të rreme”.
Rreth 5 ditë më parë, ministri i Drejtësisë kërkoi zyrtarisht Departamentit të Administratës Publike që të zbatojë Kushtetutën, Kodin Zgjedhor dhe ligjin për nëpunësin civil, dhe të pezullonte nga detyra, Sekretaren e Përgjithshme të Ministrisë së Drejtësisë Juliana Hoxha. Sipas tij, ajo ushtron funksionin në kundërshtim flagrant me ligjin, që nga data 29 Prill 2017, për shkak se është kandidate për deputete në Qarkun e Tiranës, me subjektin zgjedhor Partia Socialiste e Shqipërisë. Për këtë arsye, ministri Bardhi informoi zyrtarisht Kryeministrin.
(XH.A/SHUPLAKA)
[ngg_images source=”galleries” container_ids=”2073″ display_type=”photocrati-nextgen_basic_imagebrowser” ajax_pagination=”1″ order_by=”sortorder” order_direction=”ASC” returns=”included” maximum_entity_count=”500″]
Discussion about this post