Ministri Manjani në këtë fillimvit ka nxjerrë një plan të detajuar të punëve që priten të bëhen nga Ministria e Drejtësisë. Nga reforma penale te ftesa e qytetarëve për bashkëpunim, janë vetëm disa nga piketat e këtij viti.
Reagimi i plotë:
Pershendetje,në këtë vit të ri kemi punë të reja për të bërë.
Si fillim po përshtasim Ministrinë e Drejtësisë në raport me Kushtetutën dhe ligjet e reja të miratuara në Kuvend. Ministria mbetet një hallkë e rëndësishme e procesit ligjbërës dhe një strukturë e mbikqyrjes s shërbimeve ligjore në vend. Detyrat e tjera si psh inspektimi dhe procedimi disiplinor i gjyqtarëve dhe prokurorëve, tashmë duhet ti kryejë një Inspektor i Përgjithshëm që presim të zgjidhet nga Kuvendi. Kemi gati dosjet që duhet ti dorëzojmë Inspektoriatit te ri që do ngrihet, sipas Kushtetutës!
Drejtoria e Përgjithshme e Burgjeve ka filluar punën përgatitore për të evidentuar përfituesit nga Amnistia e fundvitit të shkuar. Sapo ligji të jetë në fuqi do jemi gati për zbatim.
Me mjaft rëndësii çmoj reformën e drejtësisë penale në vend. Duhet ta pranojmë se aktualisht kemi rregulla që na kanë mbetur që nga koha e shkuar (nga ajo e shkuara fare)! Sistemi i sotëm i drejtësisë penale prodhon më shumë arrestime, sesa hetime. Nxitimi për të njoftuar në Televizor arrestime vazhdon të jetë i dëmshëm, sepse nuk nxit (në mos pengon) faktimin me prova të ngjarjeve kriminale. Arrestimi mbi dyshim (pa prova) është efektivisht dënim edhe nëse në gjykim provohet pafajsia! Kjo është sindroma e “drejtësisë popullore” që vjen nga e shkuara.
Për këtë dhe për të tjera, kemi përgatitur një paketë ndryshimesh në Kodin Penal dhe në atë të Procedurës Penale, të cilat i kemi shpallur publikisht për një konsultë me cilindo që do të kontribuojë. Projektet gjenden në faqen zyrtare të Ministrisë së Drejtësisë: www.drejtesia.gov.al/…/ndryshime-thelbesore-ne-politiken-pe….
E hartuam këtë paketë në bashkëpunim me Prokurorë, Punonjës të Policisë, Avokatë penalistë. Kemi marrë konsideratë sugjerime nga Avokati i Popullit, nga Shoqata jo Qeveritare, por edhe konstatimet e raport Progreseve të përvitshme.
Presim ende nga cilido një mendim, kritikë, sugjerim apo cfarëdo ideje që mund të keni! Është shumë e rëndësishme kjo reformë pasi do ti bashkëlidhet dhe ndryshimeve të tjera në Kodin e Procedurës Penale, që janë tashmë në kalendarin e Parlamentit.
Shpresojme që këtë radhë të nxjerrim një produkt të mirë që garanton drejtësi efektive, por edhe të barabartë për cilindo. Drejtësisë penale që të garantojë ndëshkimin e fajtorëve me prova dhe jo vetëm me televizor! Rendi Publik garantohet vetëm me politikë penale efektive, të drejtë dhe profesionale.
Mirëpresim kontributin Tuaj në këto cështje,
Ditë, punë e vit të mbarë!
Discussion about this post