Sot janë mbushur plot 104 vjet që nga krijimi i ushtrisë shqiptare. Ministrja Mimi Kodheli, ka uruar këtë ditë të veçantë të gjithë shqiptarët, çdo gruaje dhe burri nën armë që punon e mbron vlerat e demokracisë në vend dhe jashtë kufijve.
”Sot mbushen 104 vjet nga krijimi i ushtrisë shqiptare. Shumë urime i dërgoj sot çdo gruaje dhe burri nën armë që punon e sakrifikon çdo ditë për të ruajtuar të pacënuar kufijtë e shtrenjtë shqiptarë, për t’i shërbyer çdo qytetari në nevojë kudo dhe kurdo, pa zhurmë e pa publicitet, por me dinjitet dhe përkushtrim, që mbron vlerat e demokracisë në vend madje dhe jashtë kufijve. Gëzuar festën pjesa më e mirë e shoqërise shqiptare! Gezuar festën FARSH! ”– shkruan ministrja Kodheli në një postim në rrjetin e saj facebook.
