Këngëtarja e njohur feston sot datëlindjen dhe ajo çka e bën më të veçantë këtë ditë për të është urimi i së bijës, i cili e ka suprizuar këngëtaren.
“Ajo që do ta bëjë të paharrueshme këtë ditë për artisten është urimi i vajzës së saj Erës, e cila prej disa kohësh jeton në SHBA.”, shkruan revista “Who”. Në urimin e saj, Era e cilëson të ëmën si një grua të mrekullueshme në të gjitha aspektet dhe një ndër bekimet më të mëdha për të që e ka nënë.
“Mami im, shpirti im, gëzuar ditëlindjen! Të uroj edhe 500 vite të tjera, të lumtura, të mbushura plot dashuri, fat, e mbarësi.
Unë kam qenë përherë shumë e bekuar, por një ndër bekimet më të mëdha ka qenë fakti që të kam ty si mama (faleminderit Nadire Konçi për pasurinë që solle në jetë).
Faleminderit për punën tënde të palodhur e përkushtimin e pamasë në punën më të vështirë: të qenurit mami. Je e rrallë, veçanërisht për dashurinë e respektin, me të cilin ti trajton çdo njeri rreth vetes, për aftësinë që ti ke për të bërë çdo njeri të ndihet mirë dhe deshiren për t’i ndihmuar të gjithë. Faleminderit që më dëgjon mua (dhe budallallëqet e mia të pafundme) me durim dhe që më ofron gjithmonë këshilla të vyera, të shoqëruar me dashuri kaq të madhe. Faleminderit edhe që më kujton përherë t’i marr çështjet e jetës më me qetesi dhe që më drejton të ndjek një jetë spontane e të bukur.
Je shumë e bukur dhe e mrekullueshme, në çdo aspekt, shoqja ime, motra ime! Të dua shumë shumë shumë!”, – ka shkruar Era Saraçi, vajza e Mira Konçit dhe Shpëtim Saraçi.
Ky urim e ka surprizuar Mira Konçin, e cila e ka falëndëruar të bijën me këto fjalë:
“Uaaaa çfarë surprize e vogla ime ti! Mrekullia ime, thesari im, frymëzimi im, motivi im, jeta ime, eleganca ime! Faleminderit ZOT për dhuratën më të bukur në botë, Erën time! Qofsh e lumtur TI drita e syve të mi, sepse atëherë unë jam super nënë!”
(XH.A/SHUPLAKA)
