Këshilli Bashkiak ka zhvilluar mbledhjen e radhës ku pika më e nxehtë e rendit të ditës ka qene miratimi i kontratës me EKO ELB për pranimin, depozitimin dhe trajtimin të mbetjeve urbane të bashkisë Elbasan. Këshilltarët e opozitës kanë ngritur shqetësimin për disa pika të kontratës. Nënkryetari I Këshillit Bashkiak Zamir Muzhaqi ka kërkuar më shumë sqarime që lë shumë pikëpyetje në disa pika të kontrates por dhe në menaxhimin e saj dhe në transparencën për publikun.
Ndërkohë Blendi Himçi është ndalur në vlerat ekonomike të kontratës ku bashkia duhet ti paguajë 25 euro për ton kompanisë EKOELB. Ai ka vijuar të ngrejë një sërë pikpyetjes që sipas tij nuk kanë marrë përgjigje nga bashkia Elbasan dhe vetë kompania.
Sinkron: Blendi Himçi ( Kryetari Partisë Demokratike Dega Elbasan)
Nënkryetarja e bashkisë Aulona Bylykbashi tha që kontrata është hartuar mirë dhe referencat e deklaruara në këshilltarët janë lexuar gabim si dhe ata mund të kërkojnë nga institucionet vartëse të bashkisë për të raportuar për problematika të caktuara.
Ndërkohë drejtori I EKO ELB Leli Kaja tha se disa nga problematikat e ngritura ekzistojnë dhe për to është kërkuar ndihmë për ti riparuar. Gjithashtu ai u shpreh se Inceneratori Elbasanit per vitin 2023 ka punuar vetem 7 muaj, dhe aktualisht turbina e ketij inceneratori eshte jashte funskionimit.
Pati edhe diskutime nga këshilltarët e tjerë kryesisht të opozitës që ngriten arsyetime pse kjo kontratë nuk duhet miratuar. Doris Madhi keshilltarja e opozites eshte shprehur se cmimet e shpenzimeve ne kete kontrate I perkasin vitit 2021 dhe krahasur me ditet e sotme keto cmime jane trefishuar.
Në përfundim kontrata u miratua me votat e këshilltarëve të mazhorancës ndërsa opozita votoi kundër. Kreu I këshilltarëve të Partisë Demokratike Blendi Himçi në fund të mbledhjes deklaroi se ata do ti drejtohen organeve të tjera ligjzbatuese për të kundërshtuar kontratën me ECO Elb.
Mësohet se inceneratori nuk prodhon energji elektrike aktualisht dhe sasisa e mbetjeve të akumuluara në landfill e kalon kapacitetin duke krijuar kështu nevojën e një tjetër landfilli për mbetjet urbane që depozitohen cdo ditë në ish dampën e hirave. Qytetarët elbasanas duhet të paguajnë në bazë të kontratës 25 euro për cdo ton mbetje të depozituar pranë këtij landfilli.
Discussion about this post