Në emisionin e sotëm “Mirëmëngjes Fitness” i ftuar ishte kampioni i Bodybuilding në vitet 2017 dhe 2018, Marli Martini. Ai tregoi për Erandën fillimet e tij në këtë sport si dhe demonstroi disa ushtrime për teleshikuesit e Fax News.
Marli është marrë me sporte që në fëmijëri dhe më pas lindi dëshira për sportin e bodybuilding dhe ndërtimin e trupit falë edhe ndihmës së trajnerit të tij personal Romeo Karabeci.
Nga ana tjetër, ai ka kryer një shkollim për farmaceutikë, por të ardhmen dhe karrierën e tij nuk e sheh kurrë larg palestrës dhe stërvitjes.
Eranda: Ke qenë kampion në 2017, 2018 dhe nënkampion në 2019.
Marli Martini: Brezi jonë ka qenë brezi rrinte duke lujt futboll me top, jam marrë me sport. Në gjimnaz kalova në palestër, në ato palestrat e pakta. E bëja për pasion. Me aq informacion sa kisha duhej disiplinë, dietë dhe nuk kisha disiplinë. Bëja stërvitje, e leja, filloja prapë. Derisa pastaj u stërvisja tek Komuna e Parisit. Aty pësova një ndryshim me Armando Mansakun. E pyes se çfarë bëre si ndryshove. U interesova, u bëra kurioz. Aty u njoha me Romeo Karabecin. E takoj dhe më thotë të marr përsipër. Normalisht më tërhoqi dhe fiziku. Pastaj fillova dhe lindi bashkëpunimi. Romeo vazhdon të jetë trajneri im.
Eranda: Çfarë ju thotë familja kur thoni dua të merrem me bodybuilding?
Marli: Ka qenë shumë suportive. Kishin dëshirë të merrja vendime të tjera. Dhe vazhdova për farmaceutikë. Por nuk e gjeta veten. Jam tip shumë i lëvizshëm.
Eranda: Ke studiuar për farmaci por nuk ke punaua asnjëherë. Ke menduar ta lësh fare spotin dhe të punosh pas banakut?
Marli: Jo asnjëherë.
Discussion about this post