Nje situatë alarmante është krijuar në plazhin e Spillesë ku ujërat e zeza janë shkarkuar në det, ndërkohë që aty pranë pushuesit vazhdonin të laheshin.
Siç shihet dhe nga këto video të siguruara nga ‘Fax News’ ndërsa pushuesit laheshin në det, ka ndodhur dhe shkarkimi.
Situata e krijuar ka alarmuar pushuesit të cilët kanë ndjerë erën e keqe. Shkarkimi i ujërave të zeza ka krijuar dhe një situatë të rrezikshme për infektimin e pushuesve ku siç shihet dhe nga kjo video një fëmije i janë shfaqur menjëherë në trup shenja të infektimit.
“Shih si është bërë, po mbushen fëmijët me puçrra nga uji i ndotur”. Një prind ka rrëfyer për Fax News se pak ditë pas fillimit të pushimeve, vajza e saj është mbushur plot me puçrra në të gjithë trupin, shenja të një infeksioni në lëkurë.
Shfaqja e infeksionevce në lëkurë sipas mjekëve dhe dermatologëve është veçse shenja e parë klinike e ekspozimit ndaj ndotësve, ndërsa vazhdimisht bëhet thirrje prej tyre që të kihet kujdes me larjen e të vegjëlve në det, në pikat ku derdhen ujërat e zeza.
Ndërsa sezoni turistik është në kulmin e tij dhe ndërsa kontrollet propogandohen nga qeveria si më të rreptat të kryera ndonjëherë, faktet në plazhet shqiptare na tregojnë të kundërtën: Një vizitë në plazhin e Spillesë aty ku papritmas vjen erë e keqe, deti ngjyroset dhe fëmijët janë plot e përplot me puçra.
Nuk është hera e parë që ujërat e zeza tmerrojnë turistët në bregdetin shqiptar. Vitin e kaluar Ksamili u pushtua nga ujërat e zeza duke bërë që pushuesit të largohen.
https://www.youtube.com/watch?v=rgLSlK-pQDk&feature=youtu.be
https://www.youtube.com/watch?v=Nf3-1bhpsmI&feature=youtu.be
https://www.youtube.com/watch?v=_oZMlhsyCPY&feature=youtu.be
(B.H/Faxweb)
Discussion about this post