Drejtoresha shqiptare e aeroportit të Bergmos, Stela Ulaj me anë të një postimi në rrjetet sociale ka ironizuar shqiptarët të cilët ktheheshin në Shqipëri pas rasteve të regjistruara me koronavirus në shtetin fqinj.
Ulaj shkruan se ndërmjet shqiptarëve madje si zakonisht nuk kanë munguar takimet, puthjet e përqafimet mes tyre sepse menduan që në Shqipëri nuk i gjen gjë.
Por duke u nisur nga rastet që mbërritën edhe në Shqipëri, ajo nuk ngurron të shkruajë:’Kur të keni nevojë si zakonisht për mjekësinë italiane mos bëni si viktima, o trima!’.
“Kam vite në botën aeroportuale dhe mirëkuptoj që motivet e spostimit janë nga më të larmishmet e të detyrueshmet, por këto eksodet me qëllim shpëtimi më duken tragjikomike”, shprehet Ulaj.
Postimi i plote
Dje Bergamo Tiranë ishte udhëtimi me më shumë pasagjerë në aeroport.
Me pas lezet!
Me t’u shtu jeta!
Shqipet që mbajnë gjallë ekonominë e aeroportit.
Një bravo të madhe.
Vetëm shqip dëgjoje…
Po ti shihje?. .. Vite jetë të shtoheshin… Të gjithë bashkë e të përbashkuar me një dëshirë e një qëllim…
Shtrëngime duarsh shoqëruar me tundje krahu, se s’bën vaki mos të takosh dikë që e njeh:
1. Oh, po ju këtu?
2. Po përcjell pleqtë. Nami këtu.
1. Edhe unë po I nisi. A ke lexu? Në Shqipni asnji për besë nuk është sëmurë, janë duke na studiu.
Vazhdimi në Shqipni…
Fantazia bën punën e vet.
Triumfues pasagjerët tanë arrijnë në Shqipni, ku përqafime e puthje me muah, muah zemra nanës, nuk kursehen.
Ca me kursy moj, një ‘Shyqyr që u kthyet shëndosh’ shoqëron çdo takim të përzemërt.
Tash kena mbërrit në Shqipni, kurgja s’na gjen.
Aman na ndal për një kafe të lokali poshtë shtëpisë se mbaruam për një kafe si duhet…
Aaa, prit sa te ndalem ti përshëndes komshinjtë se janë bë merak të shkretët… Neser do shkoj vrap te im vëlla se është keq me tension i shkreti e është ba merak për mu…
Aman moj, po për tetat që arritën në kohë per një darkë 8 Marsi? Po një valle doradore a nuk i takon?
Kush ka kurajo të më thotë jo???
Aman, po një kafe të blloku me një tag #asgjesmendalon?
E kështu pra! Etj etj
E gjitha kjo nga marazi i djeshëm më vjen.
Optimizmi juaj më ka dhënë më kuptu se kam probleme.
Jam bash rob kot!
Pse moj, pa lidhje, a thu nisen ba me e dit se po ven në rrezik krejt fisin e lagjen?
Hë pra!!!!!!!!!!!!
Tash një lutje e një kërkes kam.
Zot ruaji e na ruaj!
Kur të keni nevojë si zakonisht për mjekësinë italiane mos bëni si viktima, o trima!
- Kam vite në botën aeroportuale dhe mirëkuptoj që motivet e spostimit janë nga më të larmishmet e të detyrueshmet, por këto eksodet me qëllim shpëtimi me duken tragjikomike.
Tung!
(M.Q/Faxweb.al)
