Motra kërkoi ndihmë për vëllanë e plagosur nga shpërthimi në Veliojë, trondit halla: Mos jepni para se kemi mjaftueshëm

Një ditë pas lajmit se vajza e pronarit të resortit që shpërtheu një javë më parë në Velipojë, kërkonte ndihmë nga qytetarët për të mjekuar vëllain e saj Hektor Zenuni i cili ndodhet në Turqi në gjendje të rëndë shëndetësore, ka reaguar halla e saj.

Halla e të riut që ndodhet në gjendje të rëndë, Fatmira, shprehet se nuk është e vërtetë që familja nuk ka para për të përballuar mjekimin. Ajo i bën thirrje qytetarëve të kursejnë paratë e tyre, pasi nuk janë të nevojshme.

“Une i kam lexuar te gjitha lajmet ne rrjetet sociale dhe keto nuk jane te verteta. Kemi porositur avionin personal i kryqit te kuq dhe kemi paguar 15 mije Euro ne Rinas dhe 25 mije euro garanci per te hyre ne spital. Lajmi nuk eshte i vertete, ne kemi para mjaftueshem, sa te mbajme gjysmen e Shkodres. tani si eshte puna: Ne Tirane ne emer te vellait kemi nje lokal qe kushton 400 mije euro. Ne Velipoje ku ndodhi shperthimi kemi hyrje pallati ne emer te vellait, 10 apartamente. Ato kane qene me qera per pushuesit. Kemi 4 apartamente ne Shkoder dhe 3 makina luksoze. Prandaj kush eshte ai person qe kerkon te abuzoje me emrin tone e te zhvase Shkodranet. Per kete do ti drejtohem edhe policise.”, është shprehur Fatmira për median lokale Shkodra News.

PJESË NGA INTERVISTA

Fatmira, keni kontaktuar me mbesen?
Jo sepse ajo ndodhet ne Turqi me te vellain, ndersa me njerken nuk kemi komunikim, pasi nena e tij ka vdekur. Ajo nuk jep asnje pergjigje. Leket jane paguar, pasi ne spitalin “Abicadem” ne Turqi s’te fut njeri pa leke. Ai eshte spital privat dhe kemi paguar 1 mije euro ne dite. Kur te kalojne 30 dite, nese do e mbajne me shume, do paguajme te tjera. Kush i kerkon keto para, kur vellai ka qene biznesmen i nderuar, e te ndyhet figura e tij se ai nuk ka leke. Ka 25 vjet biznesmen, qe i ka paguar shtetit taksat.

Pra do ti drejtoheni policise per rastin?

Po po, kush eshte ai person qe ka nxjerre nr e telefonit per te kerkuar leke. Mund te shitet nje hotel, apo hyrje pallati qe kushtojne 100 mije euro.

Keni nje apel per te bere?

Po i drejtohem popullit te Shkodres se ai nuk eshte fukara, jane pronat ne kembe, se di perse kerkohen keto para. Ju lutem mos jepni para, jane mashtrime. Do kerkojme kush eshte ai nr telefoni dhe llogarie bankare, kush e disponon. Vellai nuk eshte fukara, dua ta pastroj figuren e tij. Kaq di te them. (D.D/Shuplaka)