Gazeteri Muhamed Veliu ka reaguar ashpër pas publikimit në mediat online, të një artikulli ku theksohet se ai është paguar si anëtarë në dy borde shteti.
Veliu e ka konsideruar këtë lajm si një shpifje dhe një sulm të kordinuar ndaj tij, ndërkohë që ka publikuar edhe dokumentet e largimit nga këto dy borde.
Po ashtu gazetari nënvizon se dy avokatët e tij po përpilojnë një padi ndaj Gjergj Zefit, pronar i portalit që ka publikuar këtë shkrim shpifës ndaj tij dhe portaleve të tjerë që e riprodhuan këtë lajm.
Postimi i plotë: Përmes një sulmi të koordinuar një portal dhe një faqe në Facebook, më akuzojnë se si gazetar i Top Channel paguhem edhe për të qenurit anëtarë në dy borde.
Tërësisht shpifje e pastër. Sqaroj se jam larguar nga Top Channel në Prill 2016.
Pas disa javësh, jam punësuar me kohë të plotë si zëdhënës i Ministrisë së Ekonomisë nga ku kam qëndruar 9 muaj.
Të qenurit punonjës i zyrës së shtypit brenda të gjitha rregullave dhe ligjeve në fuqi, sikurse edhe shumë punonjës të kësaj ministrie, jam emëruar anëtarë në dy borde.
Pas nëntë muaj punë në këtë detyrë jam larguar sikurse më pas kam dhënë edhe dorëheqjen nga këto dy borde.
Ata të cilët paskan bërë këtë zbulim të madh duke e lidhur këtë si një shpërblim ndaj meje, meqë punoj në Top Channel, fare lehtë mund të nxjerrin edhe dokumentet e largimit nga këto dy borde.
Më pas jashtë çdo angazhimi mediatik kam drejtuar marrëdhëniet me publikun në një organizatë jo qeveritare që lobonte dhe advokonte për të drejtat e biznesit themeluar nga Alban Zusi.
Jam rikthyer më pas në media si drejtor informacioni në një televizion informativ ku kam punuar deri në Janar 2019 dhe në shkurt 2019 jam rikthyer në Top Channel.
Avokatët e mi janë duke përpiluar një padi ndaj Gjergj Zefit pronar i portalit që ka publikuar këtë shkrim shpifës ndaj meje dhe portaleve të tjerë që e riprodhuan këtë lajm.
(M.Q/Faxweb.al)
Discussion about this post