”Mund të bësh si budalla sa të duash, por…”, çfarë i tha i riu presidentit të Francës që i acaroi ‘nervat’

Emanuele Macron mund të duket një ‘djalë trendy’, por jo kur është fjala për ceremoni zyrtare.

Presidenti i Francës është përfshirë në një incident të vogël me një djalë të ri, gjatë një ceremonie që ka pasur në Francën veriore, në përkujtim të rezistencës që ka bërë shteti në luftën e dytë Botërore.

Studenti u tregua më shumë miqësor seç duhej me Macronin, duke i thërritur “Manu”.

“Ç’ kemi Manu?” ishte fraza me të cilën ju drejtua adoleshenti Macronit.

Presidenti nuk e anashkaloi këtë episod, por e qortoi të riun duke i thënë që në një ceremoni zyrtare nuk mund të bënte kllounin dhe duhej të sillej mirë.

“Jo, jo, nuk mund të flasësh kështu. Unë jam zoti President. Këtu je në një ceremoni zyrtare dhe duhet të sillesh mirë. Mund të bësh si budalla sa të duash, por sot kemi Marsejezën, Këngën e Partizanëve, kështu që më thirr “Zoti President” ose “Zotëri”. Dakord?

Kështu pra. Ndiq radhën e gjërave. Nëse kërkon të nisësh një revolucion, duhet të studiosh në fillim që të marrësh diplomë dhe të jesh në gjendje të ushqehesh vetë”, është shprehur Macron ndaj të riut.

(E.K/FAXWEB.AL)