Pretenca për ish-deputetin Mark Frroku është shtyrë sërish. Gjykata e Tiranës vendosi për shtyrjen e saj për shkak të mungesës së njërit prej prokurorëve.
Mësohet se mungon prokurorja Anisa Qilimi, mungesa e së cilës bën të pamundur dhënien e pretencës. Prokurori Adriatik Cama është shprehur se nuk mund të japë konkluzione pa miratimin e koleges së tij.
Gjykata e Tiranës mori së fundmi vendimin për shtyrjen e pretencës më 16 mars. Kjo nuk është hera e parë që shtyhet pretenca ndaj ish-deputetit.
Më 28 shkurt ishte parashikuar dhënia e saj, por organi i akuzës nuk ka mundur të lexojë konkluzionet përfundimtare të hetimit dhe shkak është bërë mungesa e vetë të pandehurit dhe avokatit të tij. (XH.A/SHUPLAKA)
Discussion about this post