Përsëritet skenari i Kurtit, dalin emrat që nuk i binden Mustafës për krijimin e koalicionit

Situata politike për krijimin e një qeverie duket se ka ngecur përsëri si në rastin e koalicionit me Kurtin pak muaj më parë.

Lidhja Demokratike e Kosovës nuk po i bind të vetët për krijimin e një koalicioni për të qeverisur vendin pas rrëzimit të qeveris Kurti. Ajo ka shtyrë publikimin e emrave të ministrave, pas pezullimit të dekretit të presidentit për Qeverinë e re.

Për përbërjen e kabinetit, kjo parti do të presë vendimin përfundimtar të Gjykatës Kushtetuese, i cili pritet të merret gjatë këtij muaji.

Bëhet me dije se ministri në detyrë i Infrastrukturës dhe Ambientit, Lumir Abdixhiku, nuk ka pranuar të jetë pjesë Qeverisë Hoti, të cilën LDK-ja synon ta formojë me AAK-në, NISMA-n dhe minoritetet, po ashtu nuk e ka mohuar, por as pohuar sekretari organizativ i LDK-së, Arban Abrashi.

Masa e përkohshme e Kushtetueses ndaj dekretit të presidentit për mandatarin Avdullah Hoti, do të zgjasë deri më 29 maj.