Banorët e lagjes “5 maj” në Tiranë, prej më shumë se 1 muaji e gjysmë vijojnë rezistencën e tyre kundër prishjes së shtëpive në zonën ku jetojnë prej 30 vitesh. Ata kërkojnë që nëse do të ketë një projekt të ri, atëherë kryetari i Bashkisë, Erion Veliaj të shkojë t’i takojë dhe t’u ofrojë një marrëveshje me një shpronësim në vlerën e tregut.
Ata ankohen se gjatë gjithë kohës që kanë protestuar nuk kanë marrë asnjë lloj ndihme dhe asnjë prej zyrtarëve të bashkisë nuk ishte paraqitur para tyre për të dëgjuar kërkesat e tyre. Pjesa më e madhe e banorëve nuk kanë të pranuar që të shtëpitë e tyre të shemben. Kërkesat e tyre mbeten të njëjtat që prej fillimit të protestave që Fax Neës i ka pasqyruar vazhdimisht.
Banor i 5 majit: Këtu nuk ka projekt por edhe nëse ka një project që nuk qëndron në kushtetutë do të hidhet poshtë. Ne nuk jemi kundra zhvillimit por e para e punës, bashkia duhet të vërë përpara projektin, jot ë nxjerrë një palë dhe të fusë një tjetër. Bashkia të vijë këtu dhe të na lërë ne të merremi vesh me ndërtuesin. Nuk ka një vend ku bashkia thotë që do të nxjerr jashtë dikë kur të dua unë me sa lekë të dua unë. I takon që unë të hyj në shtëpi e tu them familjarëve të mi, ju dilni jashtë se nuk keni më vend këtu.
Ne kërkojmë që të merren vesh me ne, bashkia të jetë transparente me ne. Nuk jemi të jashtëligjshëm, zoti kryetar i bashkisë, neve na mbrojnë ligjet e shtetit shqiptar. Vetë Edi Rama ka thënë që edhe Enver Hoxha të çohet, nuk do prishen shtëpitë. Prandaj ne nuk besojmë në fjalët e thëna.
Ne kemi pasur reagime nga Kërraba dhe Vora, por kur ka ardhur këtu nuk ka folur fare. Ne morëm lajmërimin se do vinte dhe dolëm ta prisnim, ndërsa ai nuk erdhi por erdhën ca makine policie që më pas u kthyen pas. Pra nuk erdhi fare.
Banor tjetër: Me thënë të drejtën ky popull Erion Veliajn e njeh për zot. Vjen dhe sheh shkallët e ndërtuara dje dhe nuk vjen tëshohë shkallët që shembën pardje.
Nuk të vjen turp të vish këtu kur ne presim me padurim prej 1 muaji e gjysmë. Në cdo zyrë që shkon I gjen duke luajtur shah në telefon dhe nuk vjen këtu njeri të na sqarojë. Se ne nuk lëmë kot punët dhe të dalim këtu. Sa herë që vjen për të marrë vota, këtë popull e gënjen si fëmijë, ndërsa më pas nuk doni t’ja dini.
Ky është problem më i madh i këtij populli sot se na e kanë pirë lëngun aq keq sa edhe 2 veta nuk bëhen bashkë për problem me ujin. Problemi më i madh këtu ngelet se prishet banesa dhe nuk vjen ai që duhet të vijë por vijnë ata eskavatorë dhe policët që paguhen nga taksat tona. Ne do e mbrojmë me cdo gjë dhe më vjen zor ta them po edhe me armë do e mbronim se të vret në shpirt kur të prishet shtëpia.
Një tjetër banor i 5 majit: Nuk e rreh kush Erion Veliajn, ne nuk jemi kundër zhvillimit, por duhet që të na trajtojë si pronar të zonës. Ne kemi pronat këtu prej 30 vitesh, goca ime u rrit këtu, nuk e di kujt i thotë ai që nuk je banor. Për vota cfarë nuk bën ndërsa kur vjen puna del dhe thotë që këta nuk janë banorë. E bën këtë vetëm për t’u dukur, por i them që nuk do e bëjë dot. Ne nuk do e lirojmë shtëpinë, nëse do të zhvillohet zona le të vijë të bëjmë një marrëveshje.
Discussion about this post