‘’Nami” nga Policia në Korçë, brenda ditës pesë persona në pranga. Më datë 14.12.2017, specialistët e Seksionit për Narkotikët, në Drejtorinë Vendore të Policisë Korçë, bënë kapjen dhe arrestimin në flagrancë të shtetasve :
Bexhet Potka, 61 vjeç dhe Çlirim Potka, 34 vjeç, (at e bir) të dy banues në Korçë.
Arrestimi i tyre u bë pasi, gjatë kontrollit që shërbimet e Policisë kanë ushtruar në lokalin në pronësi të shtetasit Bexhet Potka, në lagjen nr 17 Korçë, iu gjet e sekuestrua në cilësinë e provës materiale 24 gramë lëndë e dyshuar narkotike Cannabis Sativa.
Materialet në ngarkim të tyre i kaluan Prokurorisë të Rrethit Gjyqësor Korçë, për veprën penale “Prodhimi dhe shitja e narkotikëve, kryer në bashkëpunim” parashikuar nga neni 283/2 i Kodit Penal.
Policia Rrugore arreston në flagrancë tre shtetas, dy në Korçë dhe një në Pogradec.
Specialistët e Seksionit për Policinë Rrugore, kanë bërë kapjen dhe arrestimin në flagrancë të shtetasve :
Redi Kotomelo, 40 vjeç, banues në Korçë.
Ky shtetas në lagjen nr 3 Korçë, në gjendje të dehur duke drejtuar mjetin tip “Volksëagen ”, me targë AA 629 NS, është përplasur me një mjet tjetër “Volksëagen” me drejtues shtetasin V.L, banues në Korçë, duke shkaktuar vetëm dëme materiale.
Lazjan Çifligu, 24 vjeç, banues në Korçë.
Ky shtetas në lagjen nr 17 Korçë, u kap duke drejtuar pa leje drejtimi mjetin tip “Ford”, me targë AA 311 LX.
Ervin Seitllari, 39 vjeç, banues në Pogradec.
Ky shtetas në lagjen nr 3 në Pogradec, u kap duke drejtuar në gjendje të dehur mjetin tip “Volksëagen”, me targë AA 170 NC.
Materialet në ngarkim të tyre i kaluan Prokurorive të Rretheve Gjyqësore Korçë e Pogradec, për veprime të mëtejshme.
(E.K/FAXWEB)
