Në moshën 91-vjeçare ka ndërruar jetë Hugh Hefner, themeluesi i një nga revistave më të njohura erotike “Playboy”. Ai u nda nga jeta dje në shtëpinë e tij në Kaliforni nga shkaqe natyrale.
Këtë lajm e ka dhënë vetë revista “Playboy” ku shkruan se ai u shua qetësisht në shtratin e vet.
Në faqen zyrtare të revistës në Twitter thuhet: “Burri dhe themeluesi i Playboy, Hugh Heffner, vdiq. Ai ishte 91 vjeç. Le të pushojë në paqe”.
Revista amerikane që ai themeloi është një nga më të suksesshmet në industrinë e revolucionit seksual. Kopertinat e tyre mbanin femra thuajse të zhveshura, ndërsa kujtojmë se me disa prej tyre Hefner ka ndarë edhe shtratin.
Kopja e parë e “Playboy” u botua në vitin 1953, kur Hefner ishte 27-vjeç dhe për vite me rradhë ajo korri sukses, ku në të pozonin femrat më seksi në botë.
“Playboy” nisi si përpjekje e një njeriu të vetëm, e që më pas do të kthehej në “markën” që përvijoi kulturën seksuale të shekullit XX.
Shprehja më e famshme e tij është: “Jeta është shumë e vogël për të jetuar ëndrrën e dikujt tjetër”. (J.V/Shuplaka)
[ngg_images source=”galleries” container_ids=”2859″ display_type=”photocrati-nextgen_basic_imagebrowser” ajax_pagination=”1″ order_by=”sortorder” order_direction=”ASC” returns=”included” maximum_entity_count=”500″]
Discussion about this post