Më zgjedhjen e Arben Krajës në krye të SPAK, ka ardhur menjëherë reagimi i ish-kryetari i Institutit për Studimin e Krimeve të Komunizmit, Agron Tufa i cili pak javë më parë u largua nga vendi duke kërkuar azil poltik në Zvicër, duke e akuzuar si ish-hetues të komunizmit.
Ndërkohë ditën e sotme Tufa ka reaguar sërish në rrjetet sociale duke opublikuar edhe një procesverbal sipas të cilit provohet se Kraja ka dënuar bashkëqytetarin e tij, Beniamin Bizi.
“Këtij ju thoni t’i besojmë!? Dhe mendoni: janë dashur mbi 3 vjet seleksionim, kontroll figure (veting) për të na nxjerrë këtë kristal të kulluar, llagarin e partisë!”, shkruan Tufa duke shtuar se në vijim mund të ketë edhe material të tjera.
Reagimi i plotë:
Ja pra “kryevepra” e kreut të sapozgjedhur të SPAK-ut, Arben Krajës, që të bënte gjëmën, po t’i prishje “moralin komunist”:)) Nga procesverbali i ndalimit të bashkëqytetarit të vet, shkodranit Beniamin Bizi… Dhe ky ortodoksalizëm fanatik, demonstrohet pasi kanë ikur jashtë 6000 qytetarë që shpërthyen ambasadat, me datën e dokumentit 27. 7. 1990! Ç’të thush më? Meqë deshët fakte…
Këtij ju thoni t’i besojmë!? Dhe mendoni: janë dashur mbi 3 vjet seleksionim, kontroll figure (veting) për të na nxjerrë këtë kristal të kulluar, llagarin e partisë!
Ndalemi me kaq, se ka më…
(F.GJ/FAXWEB.AL)
Discussion about this post