Shteti i vogël dhe pasur me gaz, Katari, ka marrë vendimin për t’u larguar nga karteli i naftës që prej datës 1 janar pas gati 60 vjet të anëtarësimit të saj në OPEC.
Kompania shtetërore e naftës, “Qatar Petroleum”, në njoftimin e saj thotë se, – “Vendimi i tërheqjes pasqyron dëshirën e Katarit për të përqëndruar përpjekjet e tij në planet për të zhvilluar dhe rritur prodhimin e saj të gazit natyror”.
Katari është eksportuesi kryesor i gazit natyror të lëngëzuar, që zë rreth 30% të kërkesës globale.
Prej një viti e gjysmë, Katari ka qenë nën një embargo ekonomike të vendosur nga disa fqinj të saj duke përfshirë udhëheqësin de facto të OPEC, Arabinë Saudite.
Në përgjigje të kësaj embargoje, Katari e rriti vitin e kaluar prodhimin e saj të gazit, shtyllë e ekonomisë së saj.
Do të jetë vendi i parë i Lindjes së Mesme që do të tërhiqet nga OPEC, e cila merret vetëm me prodhimin e naftës së papërpunuar. Kontributi i Katarit ka qenë margjinal në krahasim me disa prej prodhuesve më të mëdhenj të kartelit si Arabia Saudite dhe Iraku.
“Katari është një prodhues mjaft i vogël … nuk po bënte aq shumë, kështu që nuk është aq e rëndësishme në vetvete”, – tha Robin Mills, CEO i Qamar Energy, një firmë konsulence me qendër në Dubai. “Por është një zhgënjim për OPEC, sepse ata janë përpjekur të tërheqin anëtarë”.
Anëtarët e OPEC-ut kolektivisht furnizojnë rreth 44% të naftës bruto në botë.
Karteli synon të monitorojë tregun dhe të vendosë për të rritur ose ulur prodhimin e naftës në mënyrë që të ruajë çmimet dhe furnizimin e qëndrueshëm.
Katari ka qenë anëtar i OPEC që nga viti 1961.
(F.GJ/FAXWEB.AL)
